Fredag 3.november er det planleggingsdag på skulane, og då er det perfekt med ein fotballdag på Stryn Stadion!

Fotballfredag startar kl 09.00 og held på til kl 14.00. Instruktørar er spelarar frå våre seniorlag.

Alder: 7-12 år (f 2011-2016)
Pris: kr 300,- inkl brødmåltid med melk/juice
Oppmøte kl 09.00 i cafeen i Basishallen på Stryn Stadion
Henting kl 14.00
Hugs godt med kle.

Påmelding gjer det via linken nedanfor - deltakeravgift kr 300,- betaler de til VIPPS 105182 ved påmelding.
Påmeldingsfrist. onsdag 01.11. kl 21.00

Vi tek forebehold om minimum antall deltakarar for gjennomføring. 

Påmelding gjer de her:
 https://forms.gle/zr4yVMdXLnHFBGvUA 

Søndag 5.november kl. 15.00 vert den tradisjonsrike Fotballbasaren til Stryn Fotball arrangert i Stryn kulturhus.

Komiteen tek i mot gevinstar frå kl. 13.00 i kulturhuset på basardagen.

Vi oppfordrar ALLE til å kome på basaren. Det blir flotte gevinstar, god basarstemning og triveleg selskap!

I pausen under kampen mellom Stryn og Måløy i 3.div damer tysdag vart det delt ut Fair Play pris til Stryn sitt J13/14 lag! Det var Fair Play ansvarlege i klubben - Anne Siri Vik og Kamilla Nedre-Flo - som stod for den høgtidlege utdelinga.

Jentene har eit godt samhald i laget og har vist gode inkluderande haldningar også ovanfor andre i klubben!  Laget tok også ansvar og på eige initiativ rydda og shina opp garderobar i klubbhuset, noko som har ført til at fleire har fulgt deira eksempel og gjort stadion til ein enda trivelegare plass å være! 

Premien til årets Fair Play lag er ein sosial kveld på klubbhuset med Pizza og brus! Gratulerer med velfortent pris til J13/14! 

Her ser du Stryn J13/14 etter at prisutdelinga tysdag! 

Med Stryn sin siger over Måløy i 3.div damer tysdag er det duka for ein skikkeleg thrilleravslutning når siste runde skal spelast på søndag. 

Stryn kom under 0-1 etter halvtimen spelt mot Måløy etter scoring av Linn-Therese Leirset. Likefør pause utlikninar Stryn ved Emma Dorthea Lødemel. Stryn er det førande laget  og to kjappe scoringar av Sofie Njøten og Lødemel på nytt mot slutten av kampen sørgar for ein fortent 3-1 siger til heimelaget. Njøten si scoring er for øvrig ein meget sterk kandidat til Årets mål på Stryn Stadion! Eit knallhardt skot frå minst 30 meter smell i tverrliggaren og i mål til vill jubel frå både spelarar og publikum!

Resultatet tysdag gjer at avslutningsrunden søndag blir meget spennande! Runden blir spelt slik:
Stryn - Selje/Åheim
Sogndal 2/Sogndal FK Damer 2 - Måløy

Sogndal 2 sikrar seg seriemeisterskapet med siger over Måløy. Med 3 poeng til Stryn over Selje/Åheim og alt anna enn heimesiger i Sogndal er det Stryn som tar gullet og dersom Måløy slår Sogndal 2 og Stryn ikkje vinn sin kamp er det jentene frå kystbyen som kan kalle seg seriemeister i 3.div damer 2023!

Møt opp på Stryn Stadion søndag kl 17.00 og opplev lokalfotball på sitt mest spennande LIVE!

På biletet ser du jublande strynespelarar etter 3-1 siger mot Måløy tysdag. (Foto: Thomas Thaule/Fjordingen)

NFF Sogn og Fjordane har i helga delteke med J13 og J14 på eliteturnering på Hamar. Stryn var godt representert på turneringa med Mathea Vik og Solveig Fure på J13 og Kornelia Trøsken på J14.  

J13 starta turneringa med 2 uavgjorte kampar - 1-1 mot NFF Oslo og 0-0 mot NFF Vestfold.  Seinare vart det ny kamp mot NFF Vestfold, denne enda med 2-0 siger og Solveig Fure teikna seg for eit av måla til NFF Sogn og Fjordane!  Siste kamp endte med eit knapt 2-3 tap for NFF Buskerud.

For J14 starta turneringa med ein solid 3-0 siger over NFF Agder. Deretter vart det 0-5 tap for NFF Oslo, 0-0 mot NFF Indre Østland og nytt 0-5 tap for NFF Østfold. 

Det har vore ei kjekk fotballhelg i strålande sol, nye opplevingar og nyttige erfaringar med å møte nye lag, rapporterer jentene!

På biletet ser du alle tre jentene samla: Fv Kornelia Trøsken, Mathea Vik og Solveig Fure. (Foto: Anita Vinsrygg)

Tysdag 3.oktober blir ein fin kveld for alle som er glad i lokalfotball! Heile 3 kampar står på menyen og vi har Open kiosk!

Programmet ser slik ut:
17.30   J14 Stryn 1 - Sandane 2
19.00   J14 Stryn 2 - Selje/Flatraket
19.00   6.div herrer: Stryn 2 - Hyen

Vi oppfordrar alle til å ta ein tur til Stadion i morgon, dette blir moro!

NB! Kiosken er open frå 17.30!